عار عليك يا مصري يا اخويا
لما يقوم الناس بالثورة و انت تقول ده مبارك أبويا !
و تقول لأ بلاش إسقاطه
و بتنسى اللي عيالهم ماتوا
و تقول رمز !
و تقول اللي خربها عز
و تقول الريس كان شاطر و المشكلة شلة فاسدين
ده على أساس إنه كان فين؟
في الحمام ؟؟
و أما خلعه الشعب الحر قلت كفايه عليه الخلع
ده هيفضل رمزنا بالطبع
قالوا محاكمة ..
قلت كفايه قلة أصل
إحنا بلدنا كبيرة يا ناس .. إحنا مصر
حاكم و اسجن و رجع مالك ..
بس إلا الرمز
و كفايه يا ناس همز و لمز
يادي الخيبه عليك و عليه
المخلوع التيت بقى رمز؟؟
ده رئيس سابق جابلنا عار ..
لما ماتوا اخواتنا في غزة ..
و اما عراقنا صابه دمار
و ف أفريقيا الخيبة تقيلة
و اوعى تقوللي ده كان طيار!
طيار إيه؟ هو احنا طالعين نتفسح؟؟
رمز إزاي؟ و ف عهده دمنا أنهار
إزاي رمزي و رمزك يبقى حرامي كبير؟
حاكم بلده بالتزوير
بايع أرضه لكل حقير
قالك رمز !
إزاي بس تقول على بلدك رمزها سفاح ؟
ليه ؟ عشان ايه؟؟
أنا أفهم إن يهودي صهيوني ممكن رمزه يكون سفاح
أفهم إن عصابة خسيسة يكون رمزها سفاح
إنما مصر ..
مصر مسلة و هرم
عالم و طبيب
جندي يموت على جبهة سينا ف إيده العلم
و شباب أعزل في التحرير اتقتل
أمه بتبكي وكلها ألم
رمزنا هو مصري شريف رافع راسنا بين الأمم
مش بنشوفه نحس بندم ..
نحس بعار
يا ابني الرمز ده حاجه كبيرة
حاجه عظيمة .. حاجه تشرف
مش حاجه ارتبطت بدمار
قالك رمز !
ياخي ملعون أبو دي عقلية
اللي تخلي رمز بلدنا واحد من شلة حرامية
ياخي ملعون أبو دي عقلية
اللي تسب و تلعن فيا .. علشان إيه؟؟
علشان قلت حاكموا بسرعة رئيس مخلوع
خلي الشعب فقير موجوع
خلى اطفالنا تموت م الجوع
خلى شبابنا تهج و تطفش من غير ما تتمني رجوع
و ياريته قال بس ده رمز
لأ ده الأدهى قالك أبويا
مش عايز أقّبّح في كلامي .. بس بجد دي حاجه تشل
ياخي ملعون أبو دي عبودية
آه عبودية
لما تدافع عن جلاد ..
عصره الذهبي كان كله فساد
طيب يا ابني إديني أمره
عمل لك إيه؟
اتصورت معاه ف طياره؟
أو يمكن إدّاكو عماره
أو ممكن حتة شوكلاته
معلش اعذرني .. حاول تفهمني .. إديني مبرر معقول
هل مثلاً بجلالة قدره زودلكو حصة الفول؟
رجعلكوا أخوكو المقتول؟
لأ بالعكس .. دي كانت نكتة
كان المصري يموت م الجوع و هو يطنش
كان المصري يموت غرقان و هو ينكت
كان المصري يموت تعذيب و هو ساكت بشكل مريب
عارف ليه؟
علشان كان سفّاح متمرس
همه كله يكون الريس
أو للكتكوت ابن سعادته الكرسي بتاعه يتورّث
تسليك المجاري
ردحذفنسبه تحلل تلك المواد ضعيفه للغايه مما يسبب ايضا فى انسداد المجاري بمرور الزمن لذا وجب التنويه على عدم الاستخدام المفرط لتلك المواد.
ارقام شفط صرف صحي بالرياض
نصائح للتعامل الامثل مع شبكات الصرف الصحي:
اسرع طريقة تسليك المجاري بالرياض
1-وضع المخلفات الصعبة فى البلدية.
شركة تسليك مجاري بالرياض
2-عزل المواد الدهنية والزيوت.
اسعار شركة تسليك مجاري بالرياض
3-استخدام منظفات قوية بعد التنظيف.
شركة تسليك مجاري بالرياض