المكان : قسم مدينة نصرأول
الزمان : 31 ديسمبر 2009 - الساعة 1:00 م
الحدث : تقدمي بطلب لاستخراج بطاقتي الانتخابية
في قسم مدينة نصر أول ..
سألت أمين شرطة : " عايز اقدم على البطاقة الانتخابية "
رد : " ادخل شمال .. تالت مكتب "
دخلت و لاقيت 3 موظفين قاعدين قلت لواحد منهم : "عايز اطلع البطاقة الانتخابية"
قال : " معاك صورة البطاقة و شهادة الميلاد " قلت له " البطاقة بس " ...
سأل زميله : " البطاقة كفاية ولا ايه؟"
رد زميله : "كفاية"
لكن الموظف لما لقى معايا أصل شهادة الميلاد ريح دماغه و قال : "صور شهادة الميلاد و تعالى"
و أظن لو كانت الشهادة مش معايا كان قال مش مهم..
صورت الشهادة و رجعت .. إداني استمارة و قال " املا الجزء اللي فوق بس"
مليت الجزء اللي فوق و كان فيه الاسم و تاريخ الميلاد و محل الميلاد و السن و رقم البطاقة و التاريخ والتوقيع ..
أخد مني الاستمارة و دبسها مع صورة البطاقة و صورة شهادة الميلاد و قال " تعالى استلمها في شهر أربعة "
الموضوع كان في غاية البساطة .. بالظبط أخد 10 دقايق .. والناس محترمة و عايزة تنجز مش تعقد الأمور ..
كان فيه قبلي بنتين بيقدموا برضو على البطاقة
الكل لازم يقدم على البطاقة .. الموضوع سهل .. و مش هايضيع اي وقت .. و مش هاتخسروا حاجه
ليست هناك تعليقات:
إرسال تعليق